About this ebook
ఈ పుస్తకం ఆ మహాగ్రంథంలోని ఆచరణాత్మక బోధలను ఇప్పటి మనుషుల కథల ద్వారా చెబుతుంది. కిరణ్, అనూ వంటి సాధారణ పాత్రలు ఉద్యోగం, కుటుంబం, దుఃఖం, రాత్రిపూట ఆందోళనల మధ్య ప్రశ్నలతో నడుస్తుంటే, కర్కటి, లీల, జనకుడు, ప్రహ్లాదుడు, చూడాల వంటి యోగవాశిష్ఠ కథలు ఆ ప్రశ్నలకు వెలుగు చూపుతాయి. ఆరు ప్రకరణాల్లో 35 అధ్యాయాలు, ప్రతి కథ ఒక ఆలోచనను తేలికగా అర్థం చేయిస్తుంది.
ఇది మూలగ్రంథానికి ప్రత్యామ్నాయం కాదు. దాని లోతైన తాత్విక భాగాన్ని ఇందులో ఇముడ్చలేదు. రోజువారీ జీవితంలో వెంటనే పనికొచ్చే భాగాలనే ఎంచుకున్నాను. చదివాక మూలగ్రంథం వైపు వెళ్లాలనిపిస్తే, చివర్లో సూచించిన పుస్తకాలు దారి చూపుతాయి.
యోగవాశిష్ఠం పేరు విని దూరంగా ఉండిపోయినవారికి ఇది మొదటి మెట్టు.
About the author
బొల్లి వేణుబాబు వ్యవసాయ శాస్త్ర నేపథ్యం నుంచి వచ్చిన రచయిత. బాపట్ల వ్యవసాయ కళాశాలలో బి.ఎస్సీ. (వ్యవసాయం) చదివి, న్యూఢిల్లీలోని భారతీయ వ్యవసాయ పరిశోధన సంస్థ (IARI)లో ప్లాంట్ నెమటాలజీలో ఎం.ఎస్సీ. పూర్తి చేశారు.
వృత్తి శాస్త్రీయమైనదైనా, ప్రవృత్తి భారతీయ తత్త్వచింతన. భగవద్గీత, ఉపనిషత్తులు, షడ్దర్శనాల వంటి పురాతన గ్రంథాలను ఈనాటి జీవితంతో ముడిపెట్టి, సరళమైన తెలుగులో అందించడం ఆయన రచనా లక్ష్యం.